ҚазҰӨА-ның театртанушыларының пікірлері

Рано Назарова:
Дамир Амантайдың «Спецификалы интервенция» пьесасы қазіргі өткір тақырып лудоманияны қозғаған. Қазіргі қоғамның дерті саналатын азарт, казино ойындарының тіпті, қоғамда орны бар,парасатты адамдардың өзін қақпанына түсіріп, отбасыларды ойрандап жатқаны белгілі. Қысқа пьесаның өзінде айтар ой бар.

Аружан Бердіқожа:
Дамир Амантайдың «Спецификалы интервенция» пьесасы да қалыс қалмайды. Қазіргі таңдағы азарттық ойындар, казино, жеңіл ақша табу, алкоголь мен шылым шегуге құмарлық сынды проблемалар қозғалған. Расында, осындай мәселелер бір отбасының қирауына алып келіп жатқан жағдайлар кездеседі. Мұнда ер адамның өміріндегі болған бір жеңілісінен кейін өзіне келе алмауы, аяқтан тұра алмауы, әлсіздігі көрініс тапқан. Пьеса өзекті тақырыпты қозғай алса, көпшілік назарында болуға лайықты деп есептеймін.

Назерке Құмарғалиева:
Ал «Спецификалық интервенция» қазіргі қоғамдағы түрлі мәселелердің қайдан шығып жатқандығы туралы ой қозғайды. Өте актуалды. Жазу стилі де жақсы.

Тәңірберген Ембергенов:
Ал, Дамирдің пьесасы қоғамның қотыры болған өзекті тақырыпты көтергені ұнады. Тақырып ашылған, шағын ерекше туынды.